بحلم أنا لليل المشتاقين
يرحل عنه الضني
يعود وليد قلبه زي الحليب
ضحكته تفرش على فدادين
حضنه يضم المحرومين
له ألف الف ايد يوزع هنا
عيون حبيبتي بيتي ومسكني
فيها رائحة امي اللي رحلت من سنين
فيها ضحكة تهز القلب والروح والعين
زي هلال الشهر اول مايتولد
بقولها بحبك ده سبب وجودي بين المخلوقين
بعشق فيك اي شيئ حتى غضبك
بعشقه اضمه واخده في حضن حضني واقول يكفي انه منك
سكوتك غنوتي وغنوتك دنيتي
ودنيتك هي ميلادي وتاريخ مولدي
تنامي بكون حلمك تصحى بكون توبك يلفلفك من برد يومك
ونسيمك في عز صيفك
شهيقي من زفيرك
وبدايه حرفك هو اسمي
بعشق كلمة بحبك منك
قوليها يرضي عني ربي
وأدخل جنته بدون مايحاسبني
على حسن
ليست هناك تعليقات:
إرسال تعليق