دمعات تحت الفرش وقت الظلمة
كي تهبّطها
دمعاتْ في الظّلماتْ يا مصْعبها
تنزل كي النار الحارقه على هذبها
و بلا روف تشوي قلبها وكبدتها
تْباتْ تنهاتْ
ويفوّجْ صهى نيران كالجّمراتْ
متكدّره.تتفكّرْ زمانها اللّي فاتْ
أيّام شهّدتْ فرحها وزهوتْها
تبات تتْلاجي
تحدّث خيالْ وِلْفْها البعيد تْناجي
وتطلق سمعها للبعيد تراجي
علاّش يهبْ الهوى يفرّحها
كي تنزّلها
دمعاتْ حارّة عالخدْ و تسيّلها
تبكي وتشكي للنّجومْ تخبرْها
عاللّي لعبْ بقلبْها وهْجرْها
تبْكي بْلوعه
بكيات عقبْ الليل كالملسوعه
كلْ خوفها من نشْر الخبر وشيوعه
وشماتة الخالات ومذلّتها
تباتْ تعدّد
كي يثقلْ عليها فرشها تتْنهّد
تتفكّرْ ساعات عزّها تتسهّدْ
وتتمنى مالرّبْ يديرو عْزاها
القاسمي
ليست هناك تعليقات:
إرسال تعليق